媽：咩手撕雞？
我：呢~平日你買菜條街，賣衫嗰檔隔離，我見開咗檔手撕雞。
平日買餸阿媽都不時問我想食乜，做煮婦不容易啊！每日煮飯都要諗唔同菜式，難得我今次主動提議加料，仲係唔駛煮既即食餸，阿媽實在求之不得。
這間手撕雞專門店冒起得很快，我寫此文時內地加香港應該已開了四十多間分店，打工仔唔煮飯的話未必覺眼，因為十居其九開係屋邨街市，買餸的太太們應該更加熟行情。好似我阿媽，去買咗兩次，就聽到佢間中講吓呢間嘢今日又排長龍之類的消息，佢話全個置樂買餸都無嘢要排隊，唯獨是呢間要。
手撕雞即叫即撕，叫半隻($35)連骨連肉塞滿一個外賣盒，感覺份量都幾多。雞肉撕好後會加入調味料和芝麻撈一撈，買回家後放入雪櫃，到開飯前拎出黎就成為一道冷盤，真係好鬼方便。最重要係味道好，買過兩三次，雞肉都嫩滑唔嚡口，充滿麻油香味，調味咸度又適中，雞皮每塊都是薄薄半透明的，吃下去毫無邪惡感，因為口感已經唔似脂肪了，我媽要控制膽固醇，每次都要忍痛放棄。
最近一次買仲送$2現金券，唔知阿媽幾時又買佢加餸呢？
呢間舖係facebook有專頁，但唔明點解係都唔肯List所有分店地址出黎，每每見到人留言問乜乜區地址係邊，佢就逐個覆，超級唔方便，反而佢個膠袋印晒分店地址出黎，既然我有你膠袋即代表我買到啦，我仲要個地址List黎做咩呢？成件事錯晒。
厚興瑜記手撕雞老字號專門店
地址：屯門置樂麗寶商場地下舖
http://www.openrice.com/restaurant/sr2.htm?shopid=42769
No comments:
Post a Comment