我想我吃日式放題的次數，一隻手會數得完，早前加多一次，是同事們的聯誼活動，選了尖沙咀的金田。20多人包了一間房，枱一字排開人打對面坐，是最難交流傾計的設計。數款不同顏色紙的Order紙，每款菜式後都印上件/片/個/份/碗/隻等量詞，不知道是食放題的文化，還是大家食放題的習慣，一開始就會喪叫！不理量詞是件/片/個/份/碗還是隻，填夠10就無死！尤其刺身類，一碟到枱就要入紙叫另一碟。而喪叫時無人問亦無人理究竟那款菜式是否有人想食，因為「咁多人一人一件都搞掂啦」，不過我都理解為甚麼要這樣做，大家肚餓嘛，而且限時的放題要分秒必爭，還有一種客人心態是「填10件次次都只係俾5件」，而餐廳又可能有種心態「九成客人都亂填份量，所以佢填10件俾5件就算」，這個雞先還是雞蛋先的問題，真是審死官。
面對著五顏六色的Order紙，我沒有喪填的勇氣，未知這食店的食物質素如何前，我做不到下筆喪填，我認為每款叫少少試清楚才去馬比較恰當，一來不浪費食物，二來不會難委自己。（吃到尾聲大家推來讓去，甚至猜輸的去吃，何必呢？）但顯然我這種性格和做法是不適合食放題的，所以是晚點菜的環節我不插手比較好。
食放題的節奏比較快， 所以只影了少許食物相。
吃完一頓後，最好吃的是甚麼？應該是台灣腸和蒜片牛肉（我沒有吃齊所有款式的），但印象比較深的還是那些白色汁焗蠔和白色汁青口（大堆白色汁下蠔肉有五毫子咁大），還有吃下去似上海麵的湯烏冬。
服務是不錯的，畢竟是包房嘛，不時都有侍應入來，但漏單/遲單情況還是有，第一輪叫的部份差不多最後才來，但大家都見怪不怪，之所以大家一開始要喪叫就係咁解。
周六晚每位$208再加一，差不多$230一位，都係嗰句，這種放題不是我杯茶。
金田日式放題
地址：尖沙咀寶勒巷3-7A萬事昌廣場3樓302室http://www.openrice.com/restaurant/sr2.htm?shopid=16732
No comments:
Post a Comment