July 24, 2014

AM730#16‧麻甩極黑豬扒飯~成記茶寮

周末到元朗覓食去,老公話要去食極黑豬扒飯,極黑豬?Kurobuta Pork嗎?正喎!行到去建業街街市,走進冬菇亭,這裡會賣極黑豬扒嗎?

餐廳外圍給帳篷擋著,行過多年都不知原來有好嘢食




滿腦子問號之際,老公已點菜:豬扒飯、雞球炒公仔麵、豉油汁,原來所謂「極黑」,是指成記茶寮的鎮店豉油皇汁!我會用「極麻甩」去形容這間食店,傳統冬菇亭大牌檔格局,無冷氣,牛角扇,不少男人單拖光顧,侍應阿姐卻好細心,我們甫坐下已斟兩大杯冰水給我們,因為天氣實在太熱了。



豉油皇豬扒飯($38連飲品)上枱,碟頭之大連食量不小的老公也為之詫異,兩大件厚切豬扒八字形橫陳在煎蛋和白飯上,豬扒流出的豉油汁,與蛋白和白飯顏色成黑白對比。我夾起的豬扒有3/4吋厚,肉質非常鬆軟,豉油味道鹹甜交錯,就像太平館那種瑞士汁一樣。





接著來了同豬扒一樣黑蚊蚊的雞球($38連飲品),八大件,每件有如BB拳頭般大,連雞皮炸的雞球外脆得帶點乾硬,幸好內裡保留到肉汁,在無敵豉油皇汁的拯救下也好吃。



炒公仔麵比坊間炒粉麵要巨型,說是炒但形容為豉油皇撈公仔麵會比較合適,麵條拌勻百搭的豉油皇汁,加上半熟洋蔥、芽菜及椰菜,一碟兩個人吃都綽綽有餘,$38連飲品是真正抵食夾大件。 


我坐在廚房旁邊,看著火舌升得比大鑊還要高,廚師一鑊接一鑊不斷用大火炸豬扒雞球,一到下午兩點就收爐了,聽說豉油皇雞翼亦是名物,想吃就要早。


成記茶寮
地址:元朗建業街街市地下C8號舖
電話:2475 2517
時間:6am-3:30pm(豬扒近2pm已經不再出爐)

「飯氣攻心」專欄逢周四於《AM730》網上專欄amfresh刊登


No comments:

Post a Comment