May 23, 2014

AM730#7‧不要助長呃Like行為

抱歉今天暫且不談好吃的,改談一個較嚴肅的話題──偷相。現今不少博客在網上發佈相片都會加自己名字的水印,我也不例外,將水印放在相片一角亦不足夠,要放在相片最當眼處,硬生生破壞相片美感,你以為我是替自己賣廣告嗎?不!我也不忍心做這麼肉酸的事,但為了防止相片被盜用,這是迫不得已的做法。但遇著PS高手,還是防不勝防。


最近又遇上一次偷相事件,聲稱本著分享心態的人,把大量偷來的美食相片裁剪、反轉、拼貼,當成自己的作品在社交網站專頁發佈,這些在呃Like的人,根本是在進行偷竊行為!不知就裡的人給他們一個讚也是幫兇,間接鼓勵他們繼續偷繼續搶,他們甚至會把自己的偷竊行為合理化,用歪理解說偷你的相是睇得起你,荒謬至極!



被偷相的人可以作出抗議嗎?我試過,在一張得到幾千個Like的相片裡我這個相片作者留言說相片被盜用,但Like的人個個如鬼掩眼, 針唔拮到肉唔知痛嗎?如果到時偷的是你的東西你還可以充耳不聞嗎?在街上被偷東西可以大叫有賊,在互聯網世界就只有啞忍。 


轉載時註明出處是基本禮貌,更奇怪的是註明來源來自互聯網或Google的人,那不等於引用別人著作,寫來源來自圖書館一樣可笑嗎?


「飯氣攻心」專欄逢周四於《AM730》網上專欄amfresh刊登


5 comments:

  1. 呢樣野,有幾個FB group係專門偷取相同他人既改圖創意

    ReplyDelete
  2. 我以前都無加水印, 雖然唔係咩靚相, 但也不喜歡別人隨意拿來用, 我有 d 朋友都係咁, 成日將我 d 相係 fb download 後當自己影, 試過有朋友去完旅行後要求我將全部相片用手指比佢搽揀....吓...我唔係大 c 姐, 相片都有個人風格, 點解要比晒人?..唔知你點用?..不如你睇完我 d 相, 想要邊張...我唔介意send 張原相比你....依加 d 人係少左版權意識

    ReplyDelete
    Replies
    1. 你啲相都靚呀,連朋友都咁,真係無嘢講,點解而家啲人版權意識咁低?其實我細個讀書都無教咩版權概念,但都知道唔會無啦啦攞人啲嘢黎用啦。或者係而家上網太方便,copy & paste按個掣就得,大家就隨便偷隨便用了,唉。

      Delete
    2. 其實我又唔太介朋友咁做, 因為佢地覺得無問題, 佢都有睇只係影唔到借用, 不過 post上公開網就加個水印.....好過無啦

      Delete