August 7, 2012

我的結婚夢[下]

承上文《我的結婚夢[上]》

我是個對錢零概念的人,自小生活在比中產低一點點層次的家庭,但總算衣食無憂,讀書不用向政府借錢,我又不好名牌,所以花錢不用看得太緊。

我未來老公剛好和我相反,剛拍拖的時候,他和我用錢的概念雖未至於南轅北轍,但用錢的謹慎程度是我不理解的,我甚至過懷疑這是否叫孤寒,用每一分錢都想過度過,其實這種性格與家庭背景大有關係,拍拖時間久了我開始適應這種用錢態度,甚至好欣賞,畢竟這年頭的年輕人賺到錢誰不想消費享樂一下?他的自制能力真的令我折服。

婚姻大事,錢是最令人頭痛的問題之一,開始研究時我和十居其九的女生也一樣,口口聲聲說簡簡單單就好了,不想花太多錢,但到頭來見到實物就會抵受不住誘惑,這個漂亮一點要加錢,那個Fancy一點又加錢,那個喱士多一點再加錢……我那個先Cocktail後擺酒的想法當然比淨擺酒花的錢要多,為此事與未來老公都有不咬弦的時候,因為他錢行先,我就感覺行先。

他常常提醒我,結婚當日只是一日的事情,結婚後的生活才是我們的開始,值得為一日的事花掉儲了1/3人生的金錢嗎?我理智上認同,情感上卻在掙扎。

當婚禮儀式未有定案的時候,我們就到處睇場,因為憑空想像不會有答案,選好心儀的場地才決定Cocktail擺酒分開還是甚麼。

結果找上了一個合他心意又合我心意的中式酒樓場地,最後我更是首先提議將證婚儀式放在酒樓之內,省掉甚麼證婚Cocktail,將用作搞Cocktail的錢好好佈置一下場地,把交通上省下的時間與親戚朋友多拍幾張照,把省下的錢留待我們日後的生活用。

當自己做出了這個妥協的決定後,我沒有傷心,反而感到快樂,因為當初自己認為是基本要求的堅持,轉個角度想其實未嘗不可,最重要是我們二人都快樂。

寫到這裡,眼框濕了。

5 comments:

  1. 其實你未來老公講得好岩,因為結婚後才是人生的開始,所以商人經常巧立名目,話一生人一次結果左加右加,條數變得好大。其實,只要親朋好友係身邊,大家都係真心來慶祝你結婚,係邊度舉行儀式,都可以好warm,&sweet。唔好為左搞儀式野唔開心,期待人生既另一階段,應該有好多野值得諗,值得興奮。留番些錢去一個精彩既蜜月,會唔會即刻興奮d?

    ReplyDelete
    Replies
    1. 係呀~「一生人一次」呢五個字真係好邪惡,一時把持唔住就會駛多咗。而蜜月呢.....咩都未諗呀我地哈哈~

      Delete
  2. 其實果日我晌台上面都想講呢番說話,可惜果日我真係頭暈到淨係講得出好開心呢三個字...

    好多朋友都話我攪婚禮攪到好hea...結果出黎又唔係想像之中咁頹...雖則話係一生人一次,但係最最重要都係兩個人之後既生活呢, 我反而將專注力放左晌買個光波爐之後整咩野食好, 第時雪櫃駛唔駛整定一大堆泡菜到時可以撈飯食, 諗到結婚之後既生活就覺得好開心...

    我完全就係慳得就慳果隻...想要咩慳錢心得記住搵我呀!!哈哈哈哈哈哈~~~我完全做到收支平衡!!

    ReplyDelete
    Replies
    1. 我覺得你個婚禮係簡單而唔係hea,好少人可以忍手搞到咁簡單,厲害!星爺娶著你好幸福,以為唔愁無好嘢食了!你做到收支平衡真係超勁!我無可能啦~但盡量啦~

      Delete
    2. 咁要搵日同師太食餐飯交流心得至得了=]

      Delete