新店和舊店只是一個舖位之隔，見到新店光猛又有吉檯，二話不說坐低點菜。五個人點了六道菜，包括拼盤、馬拉盞炒椰菜苗、炒金邊粉、蝦醬炒飯、串燒，以及後來追加的泰式炒通菜。
全部菜式味道都不錯，簡單的雞和豬串燒比早陣子吃的「沙嗲沙嗲」有水準得多，肉每一啖咬下去也是鬆軟惹味的；不過炒飯炒得太乾身，飯粒的確粒粒分明，但入口太硬身；隨拼盤而來有兩碟泰式醬，一碟是常見的甜酸醬，另一碟是無色版甜酸醬，味道與點燒鵝的酸梅醬有點似，大家點了一啖嘗嘗都放棄了，還是正常版較好味。
對於無菜不歡的我是夜兩碟炒菜味道太濃，不過泰式菜館的炒菜一向如是，無論馬拉盞炒、泰式炒、鹹魚炒或者蒜茸炒都係「獻」汁漿住菜的。
飯後轉戰金滿堂食甜品，不愧為人氣甜品店，店內座無虛席等位要攞號碼牌，不過等不用3分鐘就有位了。點了5款甜品大家也互相試試，每款味道也不錯，不過由於座位不算寬敞，侍應又殷勤地快速執檯，相信好多食客都不好意思坐得太久，難怪門外等位的客人很快便有檯啦。
樂天 $26（紫米露、芒果、清心丸、自選雪糕）
配搭啱晒貪心的我 =P
朱古力棉花冰 $30（香蕉、紅豆、小丸子Fixed）
固定配料的做法無疑是可減少落錯單的機會，但感覺就比其它甜品店做法死板了
咖啡果凍伴炭燒雪芭（$25/2球）
我覺得是雪糕……哪裡似Sorbet?
做了兩個口金包，是夜也送給朋友作為Post生日禮物，希望大家喜歡吧！
同心泰國菜館（新舖）
http://www.openrice.com/restaurant/sr2.htm?shopid=26206
金滿堂甜品
http://www.openrice.com/restaurant/sr2.htm?shopid=14141
No comments:
Post a Comment