September 21, 2017

無盡的奶黃月餅熱潮~2017重新出發的望月

一年容易又中秋,湊B的日子就更甚,原來轉眼間已經9月底,當感受到月餅廣告鋪天蓋地式宣傳的時候,才發現想試想吃的月餅 已.經.賣.光.了,或者 已.經.預.售.完.畢.了 T___T

我這個後知後覺的媽媽唯有抱著食少件月餅當減肥的心態安慰自己⋯⋯足足要等一年先有機會再食嗚呀⋯⋯


一個平靜的星期二我如常工作,突然收到Ztore士多送來一袋⋯⋯懷舊玩具同零食?


大發魷魚絲同可樂糖細個食唔少,竹簽都同阿媽玩過好多次,其餘有啲玩具舊到我都未玩過哈哈!


懷舊玩具同零食其實只係綠葉,主角是已經停止網上訂購的望月啊!(掩面哭~)


心水清的讀者應該記得我於2012年寫過望月《中秋酥皮奶黃月餅~望月》(邊有人記得呀search到出黎啫~ ),眨吓眼原來已經5年!當時賣點是由酥皮奶黃月餅始創人之一葉潤發師傅做顧問,一打開盒月餅就見到葉師傅的靚仔相。今年葉師傅另起爐灶,始創的師傅亦已另謀出路,未知今年的望月月餅質素如何呢?


單看外觀,月餅表面上色均勻,顏色吸引;月餅模上「望月」二字設計帶有古典感,比5年前平實的字體設計更有中秋味道。(新的Logo設計好像是2016年開始用的)


切開月餅,內餡顏色比較淡,之前吃過的奶黃餡近乎橙色,這款呈黃色;餅皮厚度平均,切開兩個鹹蛋黃都置中擺放。


沒有按建議翻熱月餅享用(湊住個B偷閒影到相已經好好彩了),只是從雪櫃取出放置室溫一會,粗魯少少就弄到頂皮分離(猴子掩面emoji~)。

酥皮鬆化得很,老公一不小心就食到一身都係餅皮碎!但幸好沒有太油膩的感覺,正如剛才說餡料顏色較淡,味道亦比預期中淡一些,淡淡的奶黃香,配搭著微微的鹹蛋黃香,不會過份甜膩,配著Ztore送上的Classic Earl Grey,成為了近年難得的豐富消夜。(好彩阿女今晚生性早瞓咋~)

雖然望月已經停止預售今年的月餅,但每日會製造新鮮現貨,供應給Ztore士多及City'super發售,我試的8件禮盒裝酥皮奶皇月餅售 $288,如果自用的話建議選環保裝,價錢平少少又慳啲包裝。同埋記得買多少少嘢湊夠$350,咁就可以免費送貨啦!

今年起買望月月餅,仲會多咗一重意義,因為每賣一盒4件環保裝酥皮奶皇月餅,望月會捐$5予合作的慈善機構,今年受助機構為助視會。

Ztore士多 - 望月購買連結:https://www.ztore.com/tc/brand/%E6%9C%9B%E6%9C%88-1915
見到售罄的話就按「返貨自動電郵通知」吧!

希望大家都吃到美味的月餅,過一個愉快的中秋。

今年中秋可以同阿女玩懷舊玩具嚕~(買滿$650加$1你都可以換到我嗰袋「中秋懷舊套裝」架~)

No comments:

Post a Comment